Azərbaycan, Bakı, 10 noyabr/ Trend , müxbir C.Babayeva/ Rusiyanın RTR televiziya kanalının "Vesti" proqramında Azərbaycanın müxalif Yeni Zaman Partiyasının (YZP) mətbu orqanı olan "Yeni Zaman" qəzetinin baş redaktoru Şakir Ağayev və Ermənistan Dövlət Universitetinin rektoru ilə Moskva Bəyannaməsi müzakirə olunub.
"Ölkənin ərazi bütövlüyünün bərpası çərçivəsində istənilən danışıqlar alqışlanır. Rusiyanın regionda maraqları var və onun mövqeyini nə Azərbaycan, nə də Ermənistan inkar etmir. Rusiya münaqişənin həllinə böyük töhfə verə bilər", - Ağayev deyib.
Trend - un arayışı: Noyabrın 2- də Moskvada "Mayn Dorf" sarayında Azərbaycan, Ermənistan və Rusiya prezidentləri - Ilham Əliyev, Serj Sərkisyan və Dmitriy Medvedyev görüşün nəticələrinə dair Bəyannamə qəbul ediblər. Rusiya, Ermənistan və Azərbaycan Qafqazda vəziyyətin sağlamlaşdırılması üzərində işlərin aparlıması qərarına gəliblər və XİN rəhbərləninə tapşırılıb ki, Dağlıq Qarabağ münaqişəsinin nizama salınması istiqaməində işlər aparsınlar.
Bəyannamə münaqişənin beynəlxalq hüquq və burada qəbul olunan sənədlər və qərarlar əsasında həllini nəzərdə tutur. Bu isə regionun iqtisadi inkişafı və hərtərəfli əməkdaşlığına faydalı şərait yaradır.
"Yeni Zaman" qəzetinin baş redaktoru Şakir Ağayev noyabrın 2- 5 - də Moskvada keçirilən "Rustya dünyası" ikinci Assambleyasında iştirak edib.
Trend - un arayışı: Müxalifətçi Yeni Zaman Partiyası 2007 - ci il iyulun 15 - də təsis olunub.
Məqalə müəllifi ilə əlaqə saxlamaq üçün ünvan: [email protected]