Azərbaycan, Bakı, 14 noyabr/ Trend , müxbir V.Javoronkova/ Avropa RF-nin Dağlıq Qarabağ üzrə təşəbbüsünü alqışlayır və Rusiyaya Cənubi Osetiya məsələsinə də belə yanaşmağı təklif edir, - Nitsada Rusiya - Aİ sammitində çıxış edən Fransa prezidenti Nikolya Sarkozi cümə günü bildirib, - "Vesti" telekanalı xəbər verir.
Noyabrın 2-də Moskva ətrafındakı Mayndorf
qəsrində RF, Ermənistan və Azərbaycan
prezidentlərinin danışıqları keçirilib.
Sammitin əsas yekunu Dmitri Medvedyev, İlham Əliyev və Serj
Sərkisyan tərəfindən Dağlıq Qarabağ Bəyannaməsinin
imzalanması olub. Bununla yanaşı, Ermənistan və
Azərbaycan liderləri 1994 - cü ildən bəri ilk
dəfə olaraq Qarabağ probleminin nizamlanması üzrə
birgə sənəd imzalayıblar.
Avropa və Rusiya birgə işləməlidir - bu onların maraqlarına cavab verir. Dünya tarixi göstərir ki, bizə münaqişələr, qarşıdurmalar və müharibələr lazım deyil və buna görə də, mən və Avropa Komissiyasının prezidenti bu sammiti hazırlamaq qərarına gəldik", - Sarkozi bildirib. Sarkozinin sözlərinə görə, Medvedyev razılığa gəlməyin mümkün olduğu insandır. "Mən Medvedyevə bildirdim ki, RF gürcü - osetin münaqişəsi rayonunda öhdəliklərinin əksəriyyətini yerinə yetirib. Biz oraya müşahidəçilər göndərə bildik", - prezident bildirib. "Avropada təhlükəsizliyin əsasını qoymaq üçün mən 2009 - cu ilin ortalarında yenidən Rusiyanın da, ABŞ- ın da iştirak edəcəyi ATƏT çərçivəsində görüşməyi təklif edirəm", - Sarkozi əlavə edib.
Müəlliflə əlaqə saxlamaq üçün elektron ünvan - [email protected]