Azərbaycan, Bakı, 20 noyabr / Trend , müxbir R.Hafizoğlu / "Həmas" Qəzzənin blokadasından öz siyasi maraqlarını həyata keçirmək və Fələstin administrasiyasının beynəlxalq nüfuzunu zəiflətmək üçün istifadə edir", - deyə Fələstin hökumətinin sözçücü Muhəmməd Üdvan cümə axşamı Ramallahdan telefonla Trend -a bildirib.
İsrail hökuməti noyabrın 17-dən etibarən Qəzzə zolağına yenidən blokada tətbiq etməyə başlayıb. Bu haqda Fələstinin "MAAN" informasiya agentliyi məlumat verib.
"Həmas fələstinlilərin deyil, İran və bəzi ərəb ölkələrinin maraqları naminə fəaliyyət göstərir", - deyə Üdvan bildirib. Hökumət sözçüsü onu da qeyd edib ki, Fələstin hökumətindən fərqli olaraq, Həmas-ın bölgədəki siyasəti dəyişkəndir və təşkilat onun himayə edən dövlətlərin siyasətindən asılı olaraq öz siyasətini dəyişməkdədir.
Onun sözlərinə görə, Fələstin Administrasiyasının prezidenti hal-hazırda İsrail tərəfi ilə Qəzzədə hərbi əməliyyatların aparılmaması üçün danışıqlara başlayıb.
Əl-Cəzirə telekanalının noyabrın 17-də verdiyi məlumata görə, Qəzzə zolağına tətbiq edilən blokada nəticəsində məntəqədə xəstəxana və çörəkxanalar da öz fəaliyyətini dayandırıb.
Məqalə müəllifi ilə əlaqə : [email protected]
