Azərbaycan, Bakı, 20 noyabr/ Trend /Azərbaycan prezidenti İlham Əliyev əhalinin ekoloji baxımdan təmiz su ilə təminatının yaxşılaşdırılması üçün əlavə tədbirlər haqqında sərəncam imzalayıb.
Bu məqsədlə, prezident 2008 - ci ilin dövlət büdcəsində dövlət başçısının Ehtiyat Fondu üçün nəzərdə tutulmuş vəsaitlərdən Kür və Araz çayları boyunca yerləşmiş daha 200 yaşayış məntəqəsində modul tipli sutəmizləyici qurğuların quraşdırılmasına başlamaq üçün Ekologiya və Təbii Sərvətlər Nazirliyinə daha 2 mln. manat ayırmaq barədə sərəncam verib.