Azərbaycan, Bakı, 21 noyabr/ Trend , müxbir R.Hafizoğlu/Qəzzə Zolağının blokadası fələstinlilərə qarşı yönəlib və məqsədi onları silahı yerə qoymağa məcbur etməkdir. Lakin bu, uğurla nəticələnməyəcək. "Fələstinlilər öz sonadək öz torpaqlarının azad edilməsi uğrunda mübarizə aparacaqlar və hazırki blokada onları dayandırmayacaq", - Fələstinin xarici işlər naziri Mahmud Zəhhar Qəzzə Zolağından telefonla Trend - a bildirib.
Qəzzə Zolağının blokadası noyabrın 17- də - Fələstinin HƏMAS müqavimət hərəkatı və İsrailin TSAXAL ordusu arasında atəşin bərpasından sonra başlayıb.
"İsrail fələstinliləri mübarizəni dayandırmağa məcbur etmək üçün bu addımları atır. Lakin ümid edirik ki, beynəlxalq ictimaiyyətin təzyiqi ilə bu blokada götürüləcək", - Zəhhar bəyan edib.
Fələstin muxtariyyətinin prezidenti Mahmud Abbas beynəlxalq təşkilatlarla danışıqlar aparsa da, bu danışıqlar hələ ki, səmərə vermir, - Fələstinin xarici işlər naziri qeyd edib.
Müəlliflə əlaqə saxlamaq üçün elektron ünvan - [email protected]
