Azərbaycan, Bakı, 24 noyabr/ TrendNew s, müxbir A.Hüseynbala/Azərbaycanda yeni yaradılacaq müxalif Aydınlar Partiyasının rayon şöbələrinin təsis olunması prosesi davam edir.
"Azərbaycanın 11 rayonunda partiyanın yerli şöbələri yaradılıb. On gün müddətində daha 19 rayonda şöbələrin yaradılması başa çatdırılacaq", - bazar ertəsi Trend - a yeni yaradılacaq Aydınlar Partiyası Təşəbbüs Qrupunun rəhbəri Qulamhüseyn Əlibəyli bildirib.
Trend -un arayışı: Qulamhüseyn Əlibəyli 1992 -1993 - cü illərdə prezident Elçibəyin müşaviri və parlamentdə rəsmi nümayəndəsi olub. 1995 - ci ildən 2005 - ci ilədək iki dəfə ardıcıl olaraq Milli Məclisin deputatı olub. Avropa Şurası Parlament Assambleyasında Azərbaycan nümayəndə heyətinin üzvü olub. O, 1989- cu ildən AXC-nin üzvü, 1993- cü ildən AXCP-nin Ali Məclisinin sədri idi. Avqustun əvvəllərində AXCP Ali Məclisinin sədri vəzifəsindən istefa verib, sentyabrın axırında yeni Aydınlar Partiyası yaradacağı məlum olub. AXCP üzvü Nizami Quliyev də partiyadan istefa verərək, Aydınlar Partiyasının sıralarına qoşulacağını bildirib.
Oktyabrın əvvəlində AXCP-nin Lənkəran, Samux və Qax rayon şöbələrinin sədrləri də istefa verib, siyasi fəaliyyətlərini Aydınlar Partiyasında davam etdirəcəklərini bildiriblər.
Əlibəylinin sözlərinə görə, Abşeron, Astara, Biləsuvar, Cəlilabad, Gədəbəy, Lerik, Masallı, Neftçala, Qubadlı, Yardımlı və Səlyan ryaonlarında təsis olunan şöbələrdə təşkilatlanma prosesinə başlanılıb: "Prosesi on günədək başa çatdırmaq niyyətindəyik. Partiyanın təsis qurultayının keçirilməsi dekabrın birinci ongünlüyündə nəzərdə tutulur", - Təşəbbüs Qrupunun rəhbəri vurğulayıb.
Məqalə müəllifi ilə əlaqə ünvanı: [email protected]