İranın Ali dini rəhbəri Əli Xamenei İsrailin Qəzzaya hücumu ilə bağlı dekabrın 29-nu ümumi matəm günü elan edərək bildirib ki, dünya müsəlmanları Qəzza zolağında yaşayan əhalini müdafiə etməlidirlər.
Dekabrın 27-də İsral Qəzza zolağına hücum edərək, Həmas təşkilatının hərbi qərargahlarını bombardman edib. Hadisədə 282 nəfər, o cümlədən mülki əhali həlak olub.
İranın Fars xəbər agentliyinin məlumatına görə, İranın dini rəhbəri dekabrın 28-də bildirib ki, hər kəs Qəzza əhalisinin müdafiəsində həlak olsa, şəhid hesab olunur.
İranın dini rəhbəri sionistləri kafir adlandıraraq, ərəb ölkələrinin Qəzzaya hücum olunmasına reaksiya verməməsini pisləyib.