...

Azərbaycanın müxalif partiyasının apellyasıya şikayəti təmin olunmadı

Siyasət Materials 19 Yanvar 2009 18:21 (UTC +04:00)

Azərbaycan, Bakı, 19 yanvar / Trend , müxbir A.Hüseynbala/ Azərbaycanın müxalif partiyasının apellyasiya şikayəti təmin olunmayıb.

"Bakı Şəhər İcra Hakimiyyətinə qarşı iddiamızla bağlı Səbayel Rayon Məhkəməsinin 2008-ci il avqustun 27-də çıxardığı qərardan apellyasiya şikayəti vermişdik", - bazar ertəsi Trend -a Azərbaycan Milli İstiqlal Partiyasının (AMİP) təbliğat və mətbuat katibi Əli Orucov bildirib.

Trend -un arayışı: Azərbaycan Milli İstiqlal Partiyası ötən il Bakı Şəhər İcra Hakimiyyətinin partiyanın piketlərinə izacə verməməsi barədə qərarlarından Səbayel rayon məhkəməsinə şikayət vermişdi. Məhkəmədən tələb olunurdu ki, partiya üzvlərinin sərbəst toplaşmaq azadlığı təmin olunsun və Bakı Şəhər İcra Hakimiyyətinin qanunsuz hərəkətləri barədə tədbir görülsün. Lakin Səbayel rayon məhkəməsi avqustun 27-də şikayətin təmin olunmaması barədə qərar çıxarıb.


Orucovun sözlərinə görə, Apellyasiya Məhkəməsinin hakimi Etibar Nəbiyev şikayətimizin əsassız olduğu barədə qərar şıxarıb: "Biz Apellyasiya Məhkəməsinin bu qərarından Ali Məhkəməyə şikayət edəcəyik", - AMİP funksioneri əlavə edib.

AMİP 1992-ci ildə yaradılan və Azərbaycanda ilk dövlət qeydiyyatına alınan partiyadır. Müxalifəti təmsil edən AMİP-in qurucusu və 2004-cü ilin sonunadək sədri olan Etibar Məmmədov hazırda Beynəlxalq Demokrat İttifaqının (BDİ) sədr müavinidir

Məqalə müəllifi ilə əlaqə ünvanı: [email protected]



Xəbər lenti

Xəbər lenti