Azərbaycan, Bakı, 26 yanvar / Trend , müxbir A.Hüseynbala/ Azərbaycanın müxalif partiyalarının bir qrupu referendumun keçirilməsinin Konstitusiyaya zidd olduğunu iddia edir.
"Bununla bağlı yaxın günlərdə Avropa Məhkəməsinə müraciət edilməsi nəzərdə tutulur", - bazar ertəsi referendumla bağlı təsis edilən "Qarabağ və Respublika Uğrunda Hərəkat"da təmsil olunan Ümid Partiyasının sədr müavini Ənvər Ağayev bildirib.
Trend -un arayışı: Martın 18 - də Konstitusiyanın 29-cu maddəsinə əlavə və dəyişikliklərin edilməsi məsələsi üzrə referendum keçiriləcək.
Referendum üzrə hələ 14 təşəbbüs qrupu yaradılıb. Bunlardan dördü imza vərəqələrini MSK-ya təhvil verib. Hakim Yeni Azərbaycan Partiyasının (YAP) referendum üzrə "Yeni Azərbaycan" təşəbbüs qrupu yanvarın 22-də Mərkəzi Seşki Komissiyasında təşviqat qrupu kimi qeydə alınıb.
Dairə seçki komissiyalarında 45 təşəbbüs qrupu qeydiyyata alınıb.
Azərbaycanın Konstitusiyası 1995 - ci ildə qəbul edilib, 2002 - ci ildə Əsas Qanuna əlavə və dəyişikliklər edilib.
Azərbaycanın hakim Yeni Azərbaycan Partiyasının (YAP) referendum üzrə "Yeni Azərbaycan" təşəbbüs qrupu yanvarın 22-də Mərkəzi Seşki Komissiyasında təşviqat qrupu kimi qeydə alınıb.
Ağayevin sözlərinə görə, hərəkatın bu gün keçirilən toplantısında referenduma nəzərdə tutulan əlavə və dəyişikliklərin Azərbaycan Konstitusiyasının 156 və 158-ci maddələrinə zidd olduğu haqda fikirlər səsləndirilib. "İclasda ölkənin ayrı-ayrı bölgələrində imza toplayanlara və imza verən şəxslərə təzyiqlər edilməsi ilə bağlı məsələ də müzakirə olunub. Təzyiq və təqib kampaniyasının dayandırılması üçün hakimiyyət orqanlarına müraciət ünvanlanıb", - müxalif partiya funksioneri əlavə edib.
Hakim Yeni Azərbaycan Partiyasının (YAP) icra katibinin müavini Mübariz Qurbanlı isə bazar ertəsi Trend -a bildirib ki, xalq öz sözünü səsvermədə deyəcək. "Siyasi qüvvələrin mövqeyindən asılı olmayaraq hər şey seçicilərin səsindən asılıdır" Qurbanlı əlavə edib.
Məqalə müəllifi ilə əlaqə ünvanı: [email protected]