Yanvarın 30- da Davusda "Konqress"
mərkəzində Azərbaycan üzrə
qarşılıqlı biznes əlaqələri qrupunun forumu
keçirilib. Azərbaycan Prezidenti İlham Əliyev forumda iştirak
edib.Məlumatı Azər TAc dövlət agentliyi yayıb.
Beynəlxalq işgüzar dairələrin iştirak etdiyi
forumu Dünya İqtisadi Forumunun Avropa və Mərkəzi
Asiya ölkələri üzrə direktoru Stefan Kinnok
açaraq, Azərbaycan Prezidenti İlham Əliyevin bu
tədbirdə iştirak etməsindən məmnunluğunu
bildirib və bu cür görüşlərin burada iştirak
edən işgüzar dairələr üçün
faydalı olacağını deyib.
Prezident İlham Əliyev tədbirdə çıxış
edərək, ölkəmizin son illərdəki
nailiyyətlərini vurğulayıb, iqtisadiyyatın dinamik
inkişaf etdiyini, uğurlu iqtisadi islahatların həyata
keçirildiyini, bazar iqtisadiyyatına üstünlük verən
və əlverişli coğrafi vəziyyəti olan
Azərbaycanın enerji sektorunda əhəmiyyətli
işlər gördüyünü, neft və qaz
ehtiyatlarını Avropa bazarlarına nəql etdiyini
söyləyib. Prezident İlham Əliyev Azərbaycanda
sərmayədarlar üçün yaxşı şərait
yaradıldığını, sahibkarlığın
inkişaf etdiyini xatırladıb və əlavə edib ki,
indi ölkəmiz xaricdə investisiya layihələrində
də iştirak edir. Azərbaycanın iqtisadi siyasətinin xalqın
rifahının yüksəldilməsinə yönəldiyini
vurğulayan dövlətimizin başçısı
ölkəmizin ixrac potensialının da yüksək
olduğunu deyib.
Sonra Prezident İlham Əliyev iştirakçıların
beynəlxalq enerji layihələri, Mərkəzi Asiya
ölkələrinin təbii sərvətlərinin
Xəzər dənizi vasitəsilə dünya bazarlarına
çıxarılması perspektivləri və digər
məsələlər barədə suallarına cavab
verərək, regional əməkdaşlığa,
təhlükəsizliyə mane olan səbəblərdən,
xüsusən də Ermənistanın Azərbaycana
təcavüzündən, bu təcavüz
nəticəsində ölkəmizin ərazisinin 20 fazinin
işğal edilməsindən danışıb, BMT-nin və
digər beynəlxalq təşkilatların qərarlarına
məhəl qoymayan Ermənistanın təcavüzkar
siyasətdən əl çəkmədiyini bildirib.
Tədbirdən sonra işgüzar dairələrin
nümayəndələri Prezident İlham Əliyevə
yaxınlaşaraq, Azərbaycanla əməkdaşlığa,
yeni layihələrdə iştiraka və ölkəmizə
sərmayə qoymaqda maraqlı olduqlarını bildirib,
informasiya texnologiyaları və bank sektoru ilə
maraqlanıblar.
...