İran prezidenti Mahmud Əhmədinejadın Cibuti Respublikasına səfəri zamanı, iki ölkənin nümayəndə heyətinin müzakirəsindən sonra 5 əməkdaşlıq sazişi imzalanıb. Bu barədə Mehr xəbər agentliyi məlumat yayıb.
İran və Cibuti arasında viza rejiminin ləğvi, Cibutidə texniki-elmi mərkəzin tikilməsi və Cibutinin inkişafına dəstək sahəsində sənədləri İranın xarici işlər naziri Menuçöhr Mottəki və Cibutinin xarici işlər naziri Məhəmməd Əli Yusif imzalayib.
İran və Cibuti arasında İranın bu ölkəyə kredit ayırması sənədini isə İranın Saderat İnkişaf Bankının direktoru Pərviziyan və Cibuti Mərkəzi Bankının rəhbəri Hamahayt imzalayıblar.
İran prezidenti çərşənbə axşamı Cibuti Respublikasına rəsmi səfər edib.