İran, Tehran, 03 mart / Trend , müxbir A.Namdari /
ABŞ-dan 6 nəfərlik nümayəndə heyəti İrana səfər edib. ABŞ nümayəndə heyətinin tərkibi sülh tərəfdarlarından ibarətdir. Onların İrana səfəri İran rəsmiləri tərəfindən rəsmi şəkildə təsdiqlənməyib.
"ABŞ-ın sülh tərəfdarlarından ibarət nümayəndə heyəti İranda parlament nümayəndələri ilə görüş keçirəcək və bu ölkədə dini və milli azlıqların vəziyyətini araşdıracaq", - deyə adının açıqlanmasını istəməyən İran parlamentinin nümayəndəsi çərşənbə axşamı Tren News-a bildirib.
Irana səfər etmiş ABŞ-ın sülh tərəfdarlarından ibarət nümayəndə heyətinin tərkibindəki şəxslərin kimliyi açıqlanmayıb. Onlar İran parlamentində dini azlıqların nümayəndələri ilə də gürüş keçirəcəklər. Nümayəndə heyətinin həmçinin İranda insan haqları müdafiəçiləri ilə gürüşəcəyi də ehtimal olunur.
