FARS agentliyinin verdiyi məlumata əsasən, İranın Şərqi Azərbaycan əyalətinin keçmiş nümayəndəsi prezident seçkilərində iştirak etmək məqsədilə namizədliyini irəli sürüb.
Əkbər Əlami səkkiz il ölkə parlamentində bu əyaləti təmsil edib. 2008-ci ildə Nəzarət Şurası onu bu səlahiyyətdən uzaqlaşdırıb.
İranda prezident seçkiləri 2009-cu ilin iyunun 12-də keçiriləcək. Prezident seçkilərinə namizədliyini İslahatçılar düşərgəsinin nümayəndələri - İranın keçmiş prezidenti Məhəmməd Xatəmi və parlamentin eks-spikeri Mehdi Karrubi irəli sürüblər.
Hakim partiya və Mühafizəkarlar hələ ki, prezidentliyə öz namizədlərini irəli sürməyiblər.