Gürcüstan, Tbilisi, 26 mart / Trend , müxbir N.Kirtsxaliya /
"Gürcüstan naminə alyans"ın lideri İrakli Alasaniya ABŞ dövlət katibinin müavininin köməkçisi Metyu Brayzanı Gürcüstandakı siyasi böhrandan özünün təqdim etdiyə çıxış yolu ilə tanış edib.
"Çıxış yolu hakimiyyətlə müxalifət arasında dialoqdadır", - Brayza ilə görüşdən sonra Alasaniya jurnalistlərə deyib.
Brayza Tbilisiyə dünən gəlib və "Tbilisi Merriott" mehmanxanasında müxalifət nümayəndələri ilə görüşlərini bitirməyənədək jurnalistlərin qarşısına çıxmayıb. Brayzanın parlamentin eks-spikeri Nino Burcanadze və Gürcüstanın BMT-dəki keçmiş səfiri İrakli Alasaniya ilə söhbəti bağlı qapılar arxasında keçirilib. Sözügedən görüşdə ABŞ-ın Gürcüstandakı səfiri Con Teft də iştirak edib.
"Yaranmış vəziyyətdən çıxış yolları barədə müzakirələr aparılıb. ABŞ bizim strateji əməkdaşımızdır və Vaşinqtonun dəstəyi bizim üçün çox önəmlidir", - Alasaniya qeyd edib.
Alasaniya onu da qeyd edib ki, Prezident Saakaşvilinin istefa tələbi ilə keçiriləcək 9 aprel aksiyası ətrafında da müzakirələr aparılıb.
Məqalə müəllifi ilə əlaqə ünvanı: [email protected]