"Kollektiv Təhlükəsizliyə dair Müqavilə Təşkilatının (KTMT) Kantdakı aviabazası keyfiyyət və kəmiyyət baxımından daha güclü olmalıdır", - bu gün mətbuat konfransında, Bişkekdə səfərdə olan KTMT-nın Baş katibi Nikolay Bordyuja deyib. "24.kg" İnformasiya Agentliyi xəbər verir.
Onun sözlərinə görə, yaxın zamanlarda Rusiya HHQ-nin baş komandanı "Kant" aviabazasında hərbi təyyarələrin sayının artırılması planlarını açıqlayıb. "Bu, Mərkəzi Asiya və Əfqanıstandakı duruma uyğundur", - Bordyuja qeyd edib. O, həmçinin qeyd edib ki, KTMT əməliyyatlarına hava dəstəyini təmin etməyə xidmət edir.