...

Azərbaycan XİN youtube.com-da yerləşdirilən təhqiredici çarxın yayımlanmasına qarşı səsverməyə çağırır

Siyasət Materials 18 May 2009 15:15 (UTC +04:00)
Azərbaycan XİN youtube.com-da yerləşdirilən təhqiredici çarxın yayımlanmasına qarşı səsverməyə çağırır

Azərbaycan, Bakı, 18 may / Trend , müxbir C.Babayeva /

Azərbaycan XİN-in mətbuat xidməti ölkə ictimaiyyətini youtube.com-da yerləşdirilən Azərbaycan himn və bayrağını təhqir edən çarxın (www.youtube.com/watch?v=TPT5J4sv8GY) yayımlanmasına qarşı fəal səsverməyə çağırır.

Bazar ertəsi Trend -a Azərbaycan XİN-in rəsmi nümayəndəsi Elxan Poluxovun verdiyi məlumata görə, artıq saytın administrasiyasına məktub göndərərək Azərbaycan dövlət və xalqını təhqir edən çarxı çıxarmağı tələb edib. O, həmçinin ölkə ictimaiyyətini bu çarxın saytda yayımlanmasına qarşı çıxış etməyə çağırıb.

Çarxı saytda ləğv etməyin yeganə yolu onu bilavasitə "ekran"ın üzərində yerləşdirilən "FLAG" işarəsi ilə qeyd etməkdir. Nə qədər çox insan bu təhqirə qarşı səs verərsə, çarx saytdan bir o qədər tez ləğv edilər.

Xəbər lenti

Xəbər lenti