...

Azərbaycanın sərhəd bölgəsində narkotiklərin qanunsuz dövriyyəsinə görə İran vətəndaşları saxlanılıb

Siyasət Materials 1 İyul 2009 17:09 (UTC +04:00)

Azərbaycan, Lənkəran, 01 iyul / Trend , müxbir P.Əliyeva /

Azərbaycanın İranla sərhəd olan cənub bölgəsində narkotiklərin qanunsuz dövriyyəsinə görə 14 nəfər tutulub ki, onlardan 7-si İran vətəndaşıdır.

Daxili İşlər Nazirliyinin (DİN) Baş Narkotiklərlə Mübarizə İdarəsinin Cənub bölgəsi üzrə regional şöbəsindən çərşənbə günü Trend -a verilən məlumata görə, cari ilin 6 ayında bu bölgədə narkotiklərlə bağlı 42 cinayət faktı qeydə alınıb və qanunsuz dövriyyədən 111 kq 662 qr narkotik vasitə çıxarılıb.

Qanunsuz dövriyyədən çıxarılan narkotiklərin 92 kq 167 qramı həşiş, 17 kq 433 qramı heroin, 262 qramı tiryək, 1kq 800 qramı psixotrop dərmanlar (tramadol) olub.

Regional şöbənin əməkdaşlarının dövriyyədən çıxardıqları narkotikin böyük hissəsi Lənkəranın payına düşüb.

Lənkəran rayonu üzrə qanunsuz dövriyyədən 16 fakt üzrə 50 kq 415 qram narkotik vasitə çıxarılıb.

Biləsuvarda 45 kq 250 q (12 fakt üzrə), Cəlilabadda 9 kq 818 qr (6 fakt üzrə),Yardımlıda 4 kq 895 qram (6 fakt üzrə), Salyanda 1 kq 285 qram (2 fakt üzrə) narkotik vasitə qanunsuz dövriyyədən çıxarılıb.

Narkotik maddələrin qanunsuz dövriyyəsinə dair faktların əksəriyyəti qaçaqmalçılıqla bağlıdır.

Cari ilin ilk yarımilində 2008-ci ilin müvafiq dövrü ilə müqayisədə 75 kq 387 qram çox narkotik vasitə tutulub. Ötən altı ayda 33 cinayət fakt üzrə 36 kq 275 qr narkotik vasitə tutulmuşdu və həmin faktlar üzrə isə 22 nəfər həbs edilmişdi.

Məqalə müəllifi ilə əlaqə ünvanı: [email protected]

Xəbər lenti

Xəbər lenti