Azərbaycan Gürcüstanın yaxın tərəfdaşı olub və qalmaqda davam edir - səfir

Azərbaycan, Bakı, 07 avqust / Trend , müxbir V.Javronkova /

"Azərbaycan Gürcüstanın yaxın tərəfdaşı olub və qalmaqda davam edir", - Gürcüstanın Azərbaycandakı səfiri Nikolaz Natbiladze bu gün keçirilən mətbuat konfransında bildirib.

"Biz Azərbaycan ilə yaxınıq, bizim birgə layihələrimiz var və biz hər zaman tərəfdaş olacağıq", - deyə səfir bildirib.

Onun sözlərinə əsasən, Gürcüstan Rusiya ilə dialoqun başlanması prosesindədir, lakin bu məsələ ilə bağlı bir çox şey Moskvanın mövqeyindən asılıdır. 

"Gürcüstan Aİ-yə inteqrasiyanı davam etdirir, biz Aİ və NATO ilə kooperasiya çərçivəsində hər bir şeyi edirik. Biz hətta bəzi sülhməramlı qüvvələri də təqqdim edirik, Gürcüstan hökumətinin bu istiqamətdə addımları davam edəcək", - səfir bildirib.

Azərbaycan və Gürcüstan regional layihələr, xüsusilə Bakı-Tbilisi-Ceyhan və Bakı-Tbilisi-Ərzurum layihələri çərçivəsidə əməkdaşlıq edir.