Fransa, Strasburq, 29 sentyabr/ Trend , müxbir A. Məhərrəmli/ Azərbaycan-Polşa parlamentlərarası münasibətlər çox müsbətdir. Mən iki dəfə Azərbaycanda olmuşam. Bundan əlavə Azərbaycan Parlamentinin sədri də Polşaya səfər edib. Bu fikirləri bazar ertəsi Avropa jurnalistlərə açıqlamasında Polşa Senatının sədri Boqdan Boruzeviç deyib.
"Düşünürəm ki, iki ölkə arasında gözəl anlaşma səviyyəsi mövcuddur. Biz bir-birimizi yaxşı anlayırıq. Həqiqətdə, Azərbaycan Polşadan kifayət qədər uzaqda yerləşir,"- deyə o, əlavə edib.
Qafqaz regionu və Azərbaycan Avropa ittifaqının maraq dairəsini təşkil edir.
"Şərq tərəfdaşlığı" bizim üçün çox önəmlidir. Bu bizəmümkün olan bütün səviyyələrdə əlaqələrimizi gücləndirməyə imkan verir. Bu habelə, bu tərəfdaşlıqda iştirak etməyə dəvət edilən ölkələrdə müsbət istiqamətdə həyata keçirilən dəyişikləri təşviq etmək və gücləndirmək üçün bir fürsətdir. Bu təmaslar təkcə
Polşanı deyil, proqrama daxil olan ölkələrlə bütün Avropa ittifaqı ölkələrini əhatə edir. İqitsadi sahədəki təmasların təşviqi və inkişaf etdirilməsindən əlavə, biz yerli idarəetmə orqanlarını da demokratik islahatları həyata keçirməyə ruhlandlrmaq istəyirik. Biz həmçinin məhkəmə, penitensiar sistemlərdə də islahatların aparılmasını dəstəkləyirik. Biz hələ 20 il bundan əvvəl demokratik dəyişikliklər prosesini başlayanda bu dəyişikləri həyata keçirməyə ehtiyacımız var idi,"-deyə, Polşa senatının sədri qeyd edib.
"Şərq tərəfd aşlığı" tərəfdaş ölkələrdə əməkdaşlıq, həvəs hissi olmadan uğür qazana bilməz. Sərbəst bazar prinsipi avtoritar çərçivədən çox, demokratik bir çərçivədə daha yaxşı inkişaf edər. Avtoritar sistem sərbəst bazarı dondurmağa meylli olur.
Azərbaycandan və ümumiyyətlə, Qafqazdan danışanda əlbəttə, dondurulmuş münaqişələrdən danışmamaq olmaz. İstəyirik ki, "Şərq tərəfdaşlığı" region ölkələri arasında yaxşı əməkdaşlıq ruhunun inkişafına kömək etsin.