Azərbaycan, Bakı, 9 oktyabr / Trend , müxbir M. Əliyev/
"Qarabağ və Respublika Uğrunda Hərəkat" hər hansı bir formada qala bilər, seçkilərə isə hər partiyanın istədiyi kimi qatılması mümkündür, Azərbaycan Liberal Partiyasının (ALP) sədr əvəzi Əvəz Temirxan cümə günü Trend -a bildirib.
"Biz onun tərəfdarıyıq ki, hərəkat Qarabağ məsələləri ilə bağlı funksional əməkdaşlıq formatında qalsın, seçki müstəvisində hansı partiya kimlə istəyir seçkiyə qatılsın. Məncə, bu mövcud vəziyyətdən çıxış yoludur", - Temirxan əlavə edib.
ALP sədr əvəzi bildirib ki, hansısa bir partiyanın Hərəkatdan getməsinə ehtiyac yoxdur, "çünki bu, xalq arasında yenə də dağıntılar rəyini yaradacaq, müxalifət haqqında fikrə mənfi təsir edəcək".
"Qarabağ və Respublika Uğrunda Hərəkat"ı Azərbaycan Xalq Cəbhəsi, Vətəndaş və İnkişaf, Liberal, Demokrat, Müsavat və Ümid partiyaları 2009-cu il martın 18-də Konstitusiyaya təklif olunan əlavə və dəyişikliklərlə bağlı keçirilən referendum ərəfəsi təsis ediblər.
Azərbaycanda bələdiyyə seçkisi dekabrın 23-də keçiriləcək.
Məqalə müəllifi ilə əlaqə ünvanı: [email protected]
