Azərbaycan, Bakı, 12 oktyabr / Trend , müxbir A..Hüseynbala/
Azərbaycanın müxalifət partiyası bu gündən bələdiyyə üzvlüyünə namizədləri irəli sürməyə başlayıb.
"Bir həftə ərzində bütün bələdiyyələrə namizədlərin irəli sürülməsi prosesi başa çatdırılacaq", - bazar ertəsi Trend -a Azərbaycan Milli İstiqlal Partiyası (AMİP) Mərkəzi Seçki Qərargahının rəhbəri Elşən Mustafayev bildirib.
Trend -un arayışı: Azərbaycanda bələdiyyə seçkisi dekabrın 23-də keçiriləcək. 1718 bələdiyyəyə 15682 bələdiyyə üzvünün seçilməsi nəzərdə tutulur.
Azərbaycanda bundan əvvəl iki dəfə - 1999 və 2004-cü illərdə yerli özünüidarəetmə orqanlarına seçkilər keçirilib.
Mustafayevin sözlərinə görə, partiyanın əsas məqsədi Bakının, eləcə də ölkənin iri şəhər və rayonlarındakı bələdiyyələrdə təmsil olunmaqdır. "Buna görə hər bələdiyyəyə 3-4 nəfər partiya üzvümüzün namizədliyinin irəli sürülməsi nəzərdə tutulub", - AMİP rəsmisi əlavə edib.
АMİP 1992-ci ildə yаrаdılаn və Аzərbаycаndа ilk dövlət qеydiyyаtınа аlınаn pаrtiyаdır. Etibar Məmmədov 2004-cü ilin sonunda partiyanın sədrliyindən istefa verdikdən sonra partiya daxilində parçalanma baş verib. Ondan sonra AMİP-in sədri olan Əli Əliyevə qarşı partiya daxilində narazılıq yarandığı zaman partiya üzvlərinin bir qismi AMİP-dən gediblər.
Məmmədоv hаzırdа Bеynəlxаlq Dеmоkrаt İttifаqının (BDİ) sədr müаvinidir.
Məqalə müəllifi ilə əlaqə ünvanı: [email protected]