Azərbaycan, Bakı, 20 oktyabr / Trend , müxbir A.Hüseynbala/
Azərbaycan Parlamentinə "Azərbaycan Respublikasında xarici dövlətlərin və beynəlxalq təşkilatların bayraqlarının istifadə qaydaları haqqında" qanuna əlavə təqdim edilib.
"Həmin qanuna əlavə və dəyişikliklər haqqında qanun layihəsi Milli Məclis Aparatına təqdim edilib. Əlavəyə görə, müvafiq icra hakimiyyəti orqanının müəyyən etdiyi digər yerlərdə də xarici dövlətlərin bayraqları asıla bilər", - Trend -un məlumatına görə, çərşənbə axşamı jurnalistlərə müxalif "Müsavat" Deputat Qrupunun üzvü Pənah Hüseyn bildirib.
Qüvvədə olan qanunda xarici ölkələrin və beynəlxalq təşkilatların bayraqları yalnız səfirlik, konsulluq və nümayəndəliklərin binasından asıla bilər.
Məqalə müəllifi ilə əlaqə ünvanı: [email protected]