Azərbaycan Prezidenti İlham Əliyev Türkmənistan Prezidenti Qurbanqulu Berdiməhəmmədovu ölkənin milli bayramı - Müstəqillik günü münasibəti ilə təbrik edib, bu barədə məlumatı bazar ertəsi AzərTac Dövlət İnformasiya Agentliyi yayıb.
Azərbaycanın dövlət başçısı təbrik məktubunda Azərbaycan-Türkmənistan dövlətlərarası münasibətlərinin inkişaf etdirilməsi, dostluq və əməkdaşlığın möhkəmləndirilməsi yolunda bundan sonra da qarşılıqlı səylərin davam etdiriləcəyinə əmin olduğunu bildirib.
Prezident İlham Əliyev Türkmənistan dövlət başçısına möhkəm cansağlığı, işlərində uğurlar, dost Türkmənistan xalqına sülh və firavanlıq arzulayıb.