Azərbaycan, Bakı, 30 oktyabr / Trend , müxbir D.Xatınoğlu/
Trend -un Fars redaksiyasının Əfqanıstanda prezidentliyə namizəd Abdullah Abdullahın Baş seçki qərargahının sözçüsü Fazil Sançarki ilə müsahibəsi
- Abdullah Abdullah prezident seçkilərinin ikinci turunda iştirak etmək üçün Kərzainin 3 nazirinin, Müstəqil Seçkilər Komissiyasının rəhbərinin vəzifədən uzaqlaşdırılmasını və digər şərtlər irəli sürüb. Siz Abdullahın şərtlərini necə dəyərləndirirsiniz?
- Prezident seçkilərinin ilk turundan sonra əldə olunan təcrübə göstərir ki, əgər seçkilərdə saxtakarlığa yol verən yüksək vəzifəli şəxslər tutduqları postlarda yenə də qalsalar, şəffaf seçkilərin keçirilməsinə ümid yoxdur. Biz seçkilərə gözübağlı getsək, yenə də saxtakarlıqlara yol veriləcək. Birinci turda 1.5 miylon səsin saxtalaşdırılması fakt elan edildi. Biz həm də beynəlxalq müşahidəçilərin seçkilərdə daha aktiv iştirak etmələrini tələb edirik. Lakin tələblərimizə hələ ki, cavab verilməyib.
- Adullah irəli sürdüyü şərtlərlə bağlı xarici ölkə təmsilçiləri və beynəlxalq təşkilatlarla da müzakirələr aparıbmı?
- Bəli, bir sıra nüfuzlu ölkələrin Əfqanıstandakı səfirlərilə görüşlər olub, həmçinin BMT-nın Əfqanıstandakı səfiri Kay Ayde ilə bu haqda müzakirələr aparıb. Bundan başqa, son vaxtlar Əfqanıstana səfər edən xarici ölkə rəhbərləri və yüksək vəzifəli şəxslərlə də bu haqda söhbət edib.
- Ölkənin 11 əyalətində təhlükəsizlik təmin olunmadığı üçün seçkilər keçirilməyəcək. Prezident seçkilərinin ilk turunda 1.5 miyon səsin saxtalaşdırılmasını və Talibanın xalqı hədələməsini nəzərə alsaq, əfqanların ikinci turda iştirak aktivliyini necə proqnozlaşdırırsınız?
- Xalq verdiyi səsin saxtalaşdırılmayacağına və seçkilərin şəffaf keçiriləcəyinə inanmayana qədər, seçkilərdə aktiv iştirak etməyəcək. Abdullahın seçkilərlə bağlı irəli sürdüyü təkliflər və şərtlər də bu problemin həllinə yönəlib.
- Abdullahın Kərzai ilə koalisiya yaratmaq ehtimalını necə dəyərləndirirsiniz?
- Abdullahın hakimiyyətdə olan Kərzai ilə koalisiyaya yaratması xalqın və onun tərəfdarlarının iradəsi ilə üst-üstə düşmür, lakin müəyyən səbəblərdən - ölkədə təhlükəsizliyin təmin edilməsi, yaxud hava şəraitinin ağır olması səbəbindən seçkilər təxirə salınarsa, Abdullah Kərzai ilə koalisiya təşkil etmək barədə təkliflərini irəli sürəcək. Hər halda, Abdullah birinci variant kimi seçkilərin keçirilməsinə üstünlük verir. Kərzai ilə əməkdaşlıq Abdullahın siyasi imicinə xələl gətirə bilər. Abdullah müəyyən səbəblərdən seçkilərin ikinci turu ləğv olunduğu halda, ölkədə siyasi boşluğun doldurulması və hakimiyyətin legitimliyinin təmin edilməsi üçün Kərzaiyə müəyyən təşkilf təqdim edəcək. Abdullahın hazırkı hakimiyyətlə ciddi fikir ayrılıqlarını nəzərə alsaq, onun Kərzai ilə koalisiya yaratması böyük risk daşıyır.
- Nəzərə alsaq ki, seçkilərin ikinci turu noyanrın 10-da keçiriləcək, Abdullahın seçki kampanisyasının seçkilərə hazırlığı nə səviyyədədir?
- Abdullahın şərtlərinə konkret cavab verilmədiyindən biz kampaniyamıza başlamamışıq. Nəzərə alsaq ki, Abdullahın şərtlərinə hakimiyyət və Müstəqil Seçkilər Komissiyası tərəfindən 5-6 gün müddətində cavab veriləcək, faktiki olaraq, seçkilərədək 3 gün kampaniya aparmaq fürsətimiz olacaq ki, bu da çox qısa bir müddətdir.