Gürcüstan, Tbilisi, 7 dekabr / Trend , müxbir N.Kirtsxalia/
Məşhur Milan Opera Teatrı "La Skala"da yeni teatr mövsümünü Gürcüstan metso-sopranası açacaq. "Karmen" operasında baş ariyanı 25 yaşlı gürcüstanlı Anita Raçvelişvili ifa edəcək.
Tamaşada onun tərəf müqabilləri İonas Kaufman və Ervin Şrott olacaqlar.
Bu hadisə ilə əlaqədar Gürcüstanın mədəniyyət və idman naziri Nika Rurua Milandadır.
Səfər çərçivəsində nazir "La Skala"nın direktoru ilə görüşmək və yerli Opera Akademiyasına gürcü ifaçılarının qəbulu və təcrübə keçməsi məsələlərini müzakirə etmək niyyətindədir.