Azərbaycan Respublikasının Prezidenti İlham Əliyev Xorvatiya Respublikasının Prezidenti vəzifəsinə seçilməsi münasibətilə İvo Yosipoviçi təbrik edib. Bu barədə məlumat çərşənbə günü AzərTac Dövlət İnformasiya Agentliyində yayılıb.
"Ümidvaram ki, Azərbaycan-Xorvatiya dövlətlərarası münasibətləri, ölkələrimiz arasında təşəkkül tapmış dostluq və əməkdaşlıq əlaqələri xalqlarımızın mənafelərinə uyğun olaraq bundan sonra da inkişaf edəcək və genişlənəcəkdir. Sizə möhkəm cansağlığı, xoşbəxtlik, dost Xorvatiya xalqının rifahı naminə qarşıdakı fəaliyyətinizdə uğurlar arzulayıram", - Prezidentin təbrikində deyilib.