Gürcüstan, Tbilisi, 27 yanvar / Trend , müxbir N.Kirsxaliya/
Gürcüstan nümayəndə heyəti 2010-cu il üzrə illik fəaliyyət planını NATO-nun müzakirəsinə təqdim edib. Bu barədə Avropa və avroatlantik inteqrasiya məsələləri üzrə dövlət nazirinin müavini Ylena Xoştariya Trend -a bildirib.
Komitə təqdim edilmiş sənədi müsbət qiymətləndirib. İrad və tövsiyələr nəzərə alınmaqla, 2010-cu ildə NATO ilə əməkdaşlıq üzrə illik fəaliyyət planı hazırlanacaq.
Plan bazar günü təsdiq edilməsi üçün NATO-da inteqrasiya üzrə dövlət komisiyasına təqdim ediləcək.
NATO-Gürcüstan komissiyasının iclası NATO-nın Brüsseldəki mənzil qərargahında alyansa akreditə olunmuş səfirliklərin siyasi katibləri səviyyəsində baş tutub.
Həmçinin, NATO-Gürcüstan komissiyasının 2010-cu il üzrə iş qrafiki, həmçinin müzakirələrin mövzuları və onların baxılma səviyyəsi razılaşdırılıb.