Azərbaycan, Bakı, 9 mart / Trend , müxbir S.Süleymanov/
Avropa Şurası Parlament Assambleyasının sədri Mövlud Çavuşoğlu martın 15-17-də Qazaxıstanda işgüzar səfərdə olacaq. Çabuşoğlu ölkə rəhbərliyi ilə bir sıra görüşlər keçirəcək. Bu barədə bu gün Astanada keçirilən brifinqdə Qazaxıstan XİN-in rəsmi nümayəndəsi Əsgər Əbdrəhmanov məlumat verib.
"Danışıqlar zamanı 2004-cü il tarixli ikitərəfli saziş əsasında Qazaxıstan və AŞ PA arasında qarşılıqlı fəaliyyətə, həmçinin, əməkdaşlığın bütün istiqamətləri üzrə konstruktiv dialoqun möhkəmləndirilməsinə dair aktual məsələlərin müzakirəsi planlaşdırılır", - Əbdrəhmanov bildirib.
