Azərbaycan, Bakı, 17 mart / Trend , müxbir S.Ağayeva/
Rumıniyanın xarici işlər naziri Teodor Bakonski martın 18-də Azərbaycana səfər edəcək. Səfər çərçivəsində rumıniyalı nazirin azərbaycanlı həmkarı Elmar Məmmədyarov, Baş nazir Artur Rasi-zadə və Milli Məclisin sədri Oqtay Əsədovla görüşləri nəzərdə tutulub. Bu barədə Azərbaycan Xarici İşlər Nazirliyinin mətbuat xidmətinin məlumatında deyilir.
Görüşlər zamanı ikitərəfli münasibətlərin cari vəziyyəti, ölkələr arasında əməkdaşlığın perspektiv istiqamətləri, regional və digər məsələlər müzakirə olunacaq.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
