Azərbaycan, Bakı, 03 may /Trend, müxbir A.Hüseynbala/
Azərbaycanın müxalifət partiyasının sədri deyib ki, Parlament seçkilərində müstəqil iştirak edəcəklər.
"Partiyanın Siyasi Şurasının qərarına əsasən, Parlament seçkilərində heç bir seçki bloku, yaxud digər partiya ilə əməkdaşlıq etməyəcəyik", - bazar ertəsi Trend-ə Milli Demokrat Partiyasının sədri Tufan Kərimli bildirib.
Trend-in arayışı: Azərbaycanda Parlament seçkilərinin 2010-cu ilin payızında keçiriləcəyi gözlənilir. Bundanəvvəlki seçkilər 2005-ci ilin noyabr ayında keçirilib. Azərbaycanda Parlament
seçkiləri mojaritar sistem üzrə 125 seçki dairəsində keçirilir.
Kərimlinin sözlərinə görə, partiyadaxili müzakirələrdən sonra 17 nəfərin deputatlığa namizəd irəli
sürüləcəyi dəqiqləşdirilib.
"Biz 62 seçki dairəsindən namizəd irəli sürmək niyyətindəyik. Hazırda digər namizədlərlə bağlı məsləhətləşmələr aparılır", - partiya sədri əlavə edib.
Onun fikrincə, əvvəllər həmtəsisçilərindən biri olduqları Demokratiya Uğrunda İttifaqdan (DUİ) da seçkilərdə əməkdaşlıqla bağlı təklif almayıblar: "Bu ittifaqın təsisçilərindən biri biz, digəri Klassik Xalq Cəbhəsi Partiyası idi. Amma digər partiyalar ittifaqa üzv qəbul olunandan sonra, müəyyən mövqe müxtəlifliyinə görə biz qurumu tərk etdik. Bu səbəbdən DUİ ilə də əməkdaşlığımız istisna olunur", - Kərimli vurğulayıb.
Dеmоkrаtiyа Uğrunda İttifаqı 2005-ci il Parlamеnt seçkisindən sonra müxalifətçi Klassık Xalq Cəbhəsi, azadlıq və milli demokrat partiyaları yаrаdıb. 2008-ci il sеntyаbrın əvvəllərində Böyük Azərbаycаn, nоyаbr аyındа isə xаlq pаrtiyаlаrı DUİ-yə üzv qəbul оlunublar. İttifаq bu pаrtiyaların məşvərət və əməkdaşlıq qurumudur. 2009-ci ilin oktyabr ayında Milli Demokrat Partiyası DUİ-dən çıxarılıb və Milli Qurtuluş Partiyasının quruma üzv qəbul olunması haqda qərar verilib.