Azərbaycan, Bakı, 11 may /Trend, müxbir K.Zərbalıyeva/
Bakıda çərşənbə axşamı Azərbaycan ilə Rusiya arasında hərbi-texniki əməkdaşlığın inkişaf perspektivləri müzakirə olunub.
Mayın 11-də ölkəmizdə işgüzar səfərdə olan Rusiya Federasiyasının müdafiə naziri Anatoli Serdyukovun Azərbaycan Respublikasının müdafiə naziri general-polkovnik Səfər Əbiyevlə görüşü olub, - məlumatı Trend-ə Azərbaycan Müdafiə Nazirliyinin mətbuat xidməti verib.
Görüşdə Rusiya ilə Azərbaycanın hərbi-texniki əməkdaşlığının inkişaf perspektivləri, regionda mövcud hərbi-siyasi vəziyyət və Ermənistan - Azərbaycan, Dağlıq Qarabağ münaqişəsi müzakirə edilib.
Əbiyev bildirib ki, ATƏT-in Minsk qrupunun münaqişənin nizamlanması prosesində səyləri nəticə vermir və buna görə də aktivliyi artırmaq lazımdır. Nazir Əbiyev qeyd edib ki, bütün səylər münaqişənin dinc şəkildə həll edilməsinə yönəlməlidir, əks təqdirdə, vəziyyət region üçün arzuolunmaz həddə gəlib çıxa bilər.
Ümummilli Lider Heydər Əliyevin məzarını və Şəhidlər Xiyabanını ziyarət etdikdən sonra, rusiyalı qonağın Müdafiə Nazirliyində təntənəli qarşılanma mərasimi keçirilib, hər iki ölkənin dövlət himnləri səsləndirilib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
