Gürcüstan, Tbilisi, 8 iyun /Trend, müxbir N.Kirsxaliya/
Gürcüstanın xarici işlər naziri Qriqol Vaşadze iyunun 10-11-i Ukraynaya rəsmi səfər edəcək.
Kiyevdə Ukraynanın xarici işlər naziri Konstantin Qrişenko və həmçinin, Ukraynanın digər yüksəkvəzifəli şəxsləri ilə görüşlər planlaşdırılıb. Bu haqda Trend-ə Gürcüstan XİN-dən məlumat verilib.
Tərəflər ikitərəfli münasibətlərin geniş spektrini və regional əməkdaşlığın inkişafının perspektivlərini müzakirə edəcəklər.
Səfər çərçivəsində Gürcüstan hökuməti ilə Ukrayna Nazirlər Kabineti arasında hava əlaqəsi sahəsində razılaşma imzalanacaq.