Gürcüstan, Tbilisi, 16 iyun /Trend, müxbir N.Kirsxaliya/
ABŞ konqresmeni Bil Şuster və Gürcüstan Parlamentinin sədr müavini Giorgi Sereteli Vaşinqtonda keçirilən görüşdə Gürcüstanda keçirilən yerli seçkiləri və ölkənin Rusiya ilə münasibəti məsələlərini müzakirə ediblər.
Sereteli Birləşmiş Ştatlara səfəri çərçivəsində ABŞ-ın senator və konqresmenləri ilə görüşlər keçirib.
Şuster qeyd edib ki, Rusiya qoşunlarının Gürcüstandan çıxarılması vacibdir. O, Gürcüstanda keçirilən yerli seçkilərə toxunaraq vurğulayıb ki, səsvermə prosesi demoratik keçirilib.
"Gürcüstan yaxşı seçkilər keçirməyə nail olub. Problemsiz seçkilər olmur, o cümlədən ABŞ-da da", - konqresmen bəyan edib.