Azərbaycan, Bakı, 22 iyun /Trend, müxbir K. Zərbalıyeva/
Prokurorluq sistemində kadr dəyişikliyi olub.
Baş Prokurorluq üzrə müvafiq əmrlə baş prokuror yanında Korrupsiyaya Qarşı Mübarizə İdarəsinin "İstintaq şöbəsi"nin rəisi, baş ədliyyə müşaviri Mahmudov Fikrət Ağa oğlu Nərimanov rayon prokuroru vəzifəsinə təyin edilib.
Bir neçə gün öncə Bakının Nərimanov rayon prokuroru Dürhəsən İmanov və Qaradağ rayon prokuroru Tariyel Qurbanov səlahiyyət müddətlərinin başa çatması ilə əlaqədar tutduqları vəzifələrdən azad ediliblər.