Azərbaycan Prezidenti "Bakı Sağlamlıq Mərkəzi"nin yaradılması haqqında sərəncam imzalayıb

Azərbaycan Prezidenti İlham Əliyev Bakı şəhərində müasir çoxprofilli klinika - Səhiyyə Nazirliyinin "Bakı Sağlamlıq Mərkəzi"nin yaradılması haqqında sərəncam imzalayıb. Məlumatı AzərTAc Dövlət İnformasiya Agentliyi yayıb.

"Bakı Sağlamlıq Mərkəzi"nin tikilməsi üçün 2010-cu il dövlət büdcəsində nəzərdə tutulmuş Azərbaycan Prezidentinin ehtiyat fondundan Səhiyyə Nazirliyinə 5,0 (beş) milyon manat vəsait ayrılıb.
Sərəncamda nəzərdə tutulan vəsaitin maliyyələşdirilməsini müəyyən olunmuş qaydada həyata keçirmək Maliyyə Nazirliyinə tapşırılıb.