Тürkmənistan, Aşqabad, 30 avqust /Trend, müxbir H.Həsənov/
Türkmənistan Prezidenti Qurbanqulu Berdiməhəmmədovun fərmanı ilə Çarı Xocamuradov yenidən baş prokuror təyin olunub.
Sənəd Konstitusiyanın 53-cü maddəsinə müvafiq olaraq imzalanıb.
İyunda Xocamuradov səhhətinə görə xidməti vəzifələri yerinə yetirə bilməməsi üçün vəzifəsindən azad olunmuşdu. Bu səbəbdən onun müavini Amanmurat Xallıyevə müvəqqəti olaraq vəzifəni icra etmək tapşırılmışdı.
Konstitusiyanın 63-cü maddəsinin 7-ci bəndinə müvafiq olaraq parlament Prezidentin sonuncu təklifi ilə razılaşıb.