RED. əlav.: sonuncu abzas əlavə olunub
Azərbaycan, Bakı, 2 noyabr /Trend, müxbir M.Əliyev/
Azərbaycanın xarici işlər naziri Elmar Məmmədyarov çərşənbə axşamı Türkiyəyə işgüzar səfərə yola düşüb. Məlumatı çərşənbə axşamı XİN-in mətbuat xidməti yayıb.
Məlumata görə, nazir Elmar Məmmədyarov noyabr 3-də İstanbulda keçirilməsi nəzərdə tutulan Əfqanıstan üzrə IV Regional İqtisadi Əməkdaşlıq Konfransında (RECCA IV) iştirak etmək məqsədi ilə Türkiyəyə gedib.
Konfrans çərçivəsində Məmmədyarovun mövzu ilə əlaqədar çıxışı planlaşdırılır.
Konfrans noyabrın 2-4-də Türkiyə və Əfqanıstanın xarici işlər nazirləri Əhməd Davudoğlu və Zalmay Rəsulun sədrliyi ilə keçirilir. Konfransda Pakistan, Hindistan, eləcə də Əfqanıstana cəlb edilən bütün beynəlxalq təşkilatların nümayəndələri iştirak edirlər.