Sloveniya Azərbaycan ilə təhsil sahəsində əməkdaşlığı inkişaf etdirmək niyyətindədir
Azərbaycan, Bakı, 19 noyabr /Trend, müxbir S.Ağayeva/
Sloveniya Azərbaycan ilə təhsil sahəsində əməkdaşlığı inkişaf etdirmək niyyətindədir.
Sloveniyanın təhsil və idman naziri İqor Lukşiç gələn həftə Bakıda əməkdaşlıq məsələlərini müzakirə etmək niyyətindədir. Bu barədə cümə günü Trend-ə Sloveniyanın Azərbaycandakı baş konsulu Borut Mequşar məlumat verib.
Sloveniya nazirini səfər zamanı ölkənin Təhsil Nazirliyinin nümayəndə heyəti müşayiət edəcək.
Azərbaycan tərəfi ilə danışıqlarda elm, təhsil və idman sahələrində iki ölkənin əməkdaşlıq perspektivlərinin müzakirəsi planlaşdırılır.
Səfərin proqramı hazırda tamamlanmaq üzrədir.
2000-ci ildən etibarən Bakı Slavyan Universitetində sloven dili kafedrası fəaliyyət göstərir.
