Azərbaycan, Bakı, 29 noyabr /Trend, müxbir M.Əliyev/
Bu gün 4-cü çağırış Azərbaycan Milli Məclisinin ilk iclası keçiriləcək. Bu barədə Trend-ə Milli Məclisin mətbuat xidmətindən məlumat verilib.
Saat 12:00-da keçiriləcək iclasda parlamentin yeni sədri və sədr müavinləri, komitə sədrləri seçiləcək.
Azərbaycan Respublikasının Konstitusiya Məhkəməsi bazar ertəsi 7 noyabr parlament seçkilərinin nəticələrinin təsdiqlənməsinə dair qərar çıxarıb.
MSK-nın 22 noyabrda təsdiq etdiyi yekun protokolu komissiyanın 18 üzvündən 17-si imzalayıb. MSK yekun protokolu ilə 46 seçki məntəqəsində səsvermənin nəticələrini ləğv edib.
MSK-nın məlumatına görə, seçicilərin seçkidə iştirakı 50,14 faiz (2480205 seçici) təşkil edib. Parlament seçkilərində 690 namizəd mübarizə aparıb.
Bundan əvvəlki seçkilər 2005-ci ilin noyabr ayında keçirilib.Azərbaycanda parlament seçkiləri majoritar sistem üzrə 125 seçki dairəsində aparılır.