Səfərin proqramı əlavə olunub və tarixi dəqiqləşdirilib (ilk xəbər 28.02.2011 tarixində saat 11:16-da yayılıb)
Azərbaycan, Bakı, 7 may /Trend, müxbir A.Qasımova/
ATƏT-in Parlament Assambleyasının (ATƏT PA) prezidenti Petros Eftimiu mayın 12-13-də Azərbaycana səfər edəcək. Trend-in məlumatına görə, bu barədə ATƏT PA-nın məlumatında deyilir.
Eftimiu yüksək vəzifəli məmurlarla, o cümlədən hökumət və parlament rəhbərləri, müxalifət və siyasi partiyaların nümayəndələri, eləcə də vətəndaş cəmiyyətinin nümayəndələri ilə görüşəcək. O, ATƏT-in ölkədəki ofisi ilə də görüş keçirəcək.
ATƏT-in Parlament Assambleyasının prezidenti Petros Eftimiu cari ilin mayında Azərbaycana səfər edəcək. Bu barədə əvvəlcə Trend-ə ATƏT PA-da Azərbaycan nümayəndə heyətinin üzvü, Milli Məclisin deputatı Eldar İbrahimov məlumat vermişdi.
"Bu, Petros Eftimiunun regiona ilk səfəri olacaq. ATƏT PA-nın prezidenti Ermənistana və Azərbaycanın Dağlıq Qarabağ regionuna da səfər edəcək", - İbrahimov bildirib.