Azərbaycan baş nazirinin müavini İrana səfər edəcək

Azərbaycan, Bakı, 24 mart /Trend, müxbir T.Cəfərov/

Azərbaycan baş nazirinin müavini Elçin Əfəndiyev Novruz bayramı münasibətilə keçiriləcək şənliklərdə iştirak emək üçün İrana səfər edəcək. Bu barədə məlumatı Fars agentliyi yayıb.

Martın 27-28-də Tehranda İranın qonşusu olan və Novruz bayramını qeyd edən bir neçə ölkənin prezidentinin iştirakı ilə təntənəli bayram şənliyi keçiriləcək.

Azərbaycanın təşəbbüsü ilə 23 fevral 2010-cu il tarixində BMT Baş Assambleyası 21 martı Beynəlxalq Novruz Günü kimi qeyd edilməsi barədə qərar qəbul edib.

Bazar ertəsi Birləşmiş Millətlər Təşkilatının mənzil-qərargahında Beynəlxalq Novruz Günü münasibətilə təntənəli tədbir keçirilib.