Fotoşəkillər əlavə olunub (birinci xəbər 10:51-də yayılıb)
Azərbaycan, Bakı, 10 may /Trend, müxbir T.Hacıyev/
Çərşənbə axşamı Fövqəladə Hallar Nazirliyinin tabeçiliyində olan qurumlar üçün yeni inzibati binanın açılışı keçirilib.
Trend-in məlumatına görə, açılış mərasimində fövqəladə hallar naziri Kəmaləddin Heydərov iştirak edib.
Açılış mərasimində məlumat verilib ki, 13 mərtəbəli yeni binada FHN tabeçiliyində olan yeddi qurum - Dövlət Yanğından Mühafizə Xidməti, Dövlət Yanğın Nəzarəti Xidməti, Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi, Tibb Xidməti, Kiçik Həcmli Gəmilər üzrə Dövlət Müfəttişliyi, Dövlət Material Ehtiyatları Agentliyi və Nüvə və Radioloji Fəaliyyətin Tənzimlənməsi üzrə Dövlət Agentliyi idarələri yerləşəcək.
Həmçinin FHN-in Hövsanda yerləşən Akademiyasının yeməkxanasının da açılışı olub.