...

BMT-yə üzv dövlətlərin nümayəndələri Heydər Əliyev Fondunda olmuşlar

Siyasət Materials 8 İyul 2011 21:29 (UTC +04:00)
BMT-yə üzv dövlətlərin nümayəndələri iyulun 8-də Heydər Əliyev Fondunda olmuşlar.
BMT-yə üzv dövlətlərin nümayəndələri Heydər Əliyev Fondunda olmuşlar

Trend-i buradan izləyin

BMT-yə üzv dövlətlərin nümayəndələri cümə günü Heydər Əliyev Fondunda olmuşlar.

Onlara Azərbaycan xalqının ümummilli liderinin xatirəsinə yaradılmış Fondun məqsədi və fəaliyyəti barədə məlumat verilmişdir.

BMT-yə üzv dövlətlərin nümayəndələri ulu öndərin şəxsi arxivindən götürülmüş və onun fəaliyyətinin ayrı-ayrı dövrlərinə aid fotoşəkillərlə, habelə müxtəlif eksponatlarla tanış olmuşlar.
Bildirilmişdir ki, Fond ümummilli liderin zəngin irsini öyrənir və təbliğ edir. Müxtəlif sosial-iqtisadi, mədəni layihələr həyata keçirməklə Azərbaycanın tərəqqisinə, mədəniyyəti və tarixinin təbliğinə kömək edir.

Qonaqlar fenomen şəxsiyyət Heydər Əliyevin şəxsi arxivindən götürülmüş və onun fəaliyyətinin ayrı-ayrı dövrlərini əhatə edən, ulu öndərin həyatının ən müxtəlif məqamlarını əks etdirən, tariximizin bütöv bir dövrü barədə geniş təsəvvür yaradan eksponatlara diqqətlə nəzər yetirmişlər. Onlar görkəmli siyasi xadimin uşaqlıq və gənclik illərinə, Moskvada keçmiş SSRİ-nin rəhbərlərindən biri kimi genişmiqyaslı fəaliyyətinə aid materiallara, Bakı-Tbilisi-Ceyhan əsas ixrac boru kəmərinin keçdiyi ərazilərin maketinə maraqla tamaşa etmişlər.
Qonaqlar Fonddan zəngin təəssüratla ayrılmışlar.

Xəbər lenti

Xəbər lenti