Azərbaycan, Bakı, 31 oktyabr /Trend, müxbir T.Hacıyev/
Azərbaycanın müxalif Bütöv Azərbaycan Xalq Cəbhəsi Partiyasının (BAXCP) Ali Məclisinin sessiyasında Qurultaya Hazırlıq üzrə Təşkilat Komitəsi yaradılıb. Bu barədə bazar ertəsi Trend-ə BAXCP-nin mətbuat xidmətindən məlumat verilib.
Sessiyada qərara alınıb ki, Təşkilat Komitəsi üzvlərinin sayı 23 nəfərdən ibarət olsun.
Rayon və şəhər təşkilatlarının hesabat-seçki konfranslarının və Qurultayın keçirilmə tarixi ilə bağlı qərarların qəbul olunması Təşkilat Komitəsinə həvalə olunub.
Sessiyada BAXCP sədri Qüdrət Həsənquliyevin məruzəsi də dinlənilib.
BAXCP-nin sonuncu qurultayı 2008-ci ildə iyunun 7-də keçirilib. Partiya nizamnaməsinə əsasən, növbəti qurultay 2012-ci ildə keçirilməlidir.