Azərbaycan, Bakı, 9 yanvar /Trend/
Fransa Senatı yanvarın 23-də inkarına görə cinayət cəzasını nəzərdə tutan qondarma "erməni soyqırımı"haqqında qanun layihəsini gündəliyə daxil edəcək. Bu barədə bazar ertəsi Trend "TRT Haber" telekanalına istinadən məlumat verir.
Ermənistan və erməni lobbisi bəyan edir ki, Türkiyənin sələfi olan Osmanlı İmperiyası 1915-ci ildə Anadoluda yaşayan ermənilərə qarşı soyqırım törədib. Erməni təbliğatının təzyiqi ilə bir sıra ölkələrin parlamentləri 1915-ci il qondarma "soyqırım"ı tanıyıblar.
Bir müddət əvvəl Türkiyənin Baş naziri Rəcəb Tayyib Ərdoğan Fransa Prezidenti Nikola Sarkozini bu qanunu qəbul etməklə Fransadakı nüfuzlu erməni icmasının hissləri ilə oynamaqda və bu il keçiriləcək parlament və prezident seçkilərində ermənilərin səsini qazanmaq istəməkdə ittiham edib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
