Azərbaycan, Bakı, 3 fevral /Trend/
Azərbaycan Prezidenti İlham Əliyev Misir Ərəb Respublikası Silahlı Qüvvələri Ali Şurasının sədri marşal Məhəmməd Hüseyn Tantaviyə başsağlığı verib.
"Port-Səid şəhərindəki stadionda baş vermiş iğtişaşlar nəticəsində çoxsaylı insan tələfatı xəbəri məni olduqca kədərləndirdi. Bu faciə ilə əlaqədar Sizə, həlak olanların ailələrinə və bütün Misir xalqına öz adımdan və Azərbaycan xalqı adından dərin hüznlə başsağlığı verir, yaralananların və xəsarət alanların tezliklə sağalmasını arzulayıram", - Trend-in məlumatına görə, Prezidentin başsağlığı məktubunda deyilir.