Azərbaycan, Bakı, 11 fevral /Trend, müxbir İ.İsabalayeva/
Bu ilin martın 2-də Argentina xarici işlər naziri Ektor Timermanın Azərbaycana səfəri gözlənilir. Trend-in məlumatına görə, bunu şənbə günü Bakıda səfərdə olan Argentinanın turizm naziri Karlos Enrike Meyer jurnalistlərə deyib.
Onun sözlərinə görə, bu səfər çərçivəsində iki ölkənin müvafiq nazirlikləri arasında müqavilənin imzalanması da planlaşdırılır. Viza məsələləri müzakirə olunacaq
Meyer bildirib ki, səfər çərçivəsində Argentinanın Azərbaycanda səfirliyinin açılması gözlənilir.
Fevralın 11-də Meyer Azərbaycanda səfərdədir.