...

Azərbaycan G20 görüşündə ilk dəfə təmsil olunacaq (ƏLAVƏ OLUNUB)

Siyasət Materials 16 Fevral 2012 11:58 (UTC +04:00)
Azərbaycanın xarici işlər naziri Elmar Məmmədyarov Meksikada G20-nin xarici işlər nazirlərinin görüşündə iştirak edəcək.
Azərbaycan G20 görüşündə ilk dəfə təmsil olunacaq (ƏLAVƏ OLUNUB)

Trend-i buradan izləyin

Təfərrüatalr əlavə olunub (ilk xəbər saat 11:26-da yayılıb)

Azərbaycan, Bakı, 16 fevral / Trend müxbir S.Ağayeva/

Azərbaycanın xarici işlər naziri Elmar Məmmədyarov Meksikada G20-nin xarici işlər nazirlərinin görüşündə iştirak edəcək. Trend-in məlumatına görə, bu barədə jurnalistlərə Azərbaycan XİN-in rəsmi nümayəndəsi Elman Abdullayev bildirib.

Onun sözlərinə görə, Azərbaycan G20-yə dəvət olunan on ölkədən biridir.

"Azərbaycanın bu görüşə dəvət olunması ölkənin artan nüfuzunun göstəricisi və onun xarici siyasətinin uğurudur", - Abdullayev deyib.

Fevralın 24-26-da G20 ölkələri maliyyə nazirləri və Mərkəzi bank rəhbərlərinin görüşündə Beynəlxalq Valyuta Fondunun (BVF) kapitalının artırılması imkanları müzakirə olunacaq. Bu barədə çərşənbə günü Meksikanın xüsusi nümayəndəsi Roberto Marino məlumat verib.

2012-ci ildə G20-yə Meksika sədrlik edir.

Xəbər lenti

Xəbər lenti