...

Azərbaycan və Türkiyə arasında hüquqi əməkdaşlıq genişlənir

Siyasət Materials 23 Fevral 2012 19:23 (UTC +04:00)
Fevralın 23-də ölkəmizə səfərə gələn Türkiyənin daxili işlər naziri İdris Naim Şahin Azərbaycanın ədliyyə naziri, Məhkəmə-Hüquq Şurasının sədri Fikrət Məmmədovla görüşüb.
Azərbaycan və Türkiyə arasında hüquqi əməkdaşlıq genişlənir

Azərbaycan, Bakı, 23 fevral /Trend/

Fevralın 23-də ölkəmizə səfərə gələn Türkiyənin daxili işlər naziri İdris Naim Şahin Azərbaycanın ədliyyə naziri, Məhkəmə-Hüquq Şurasının sədri Fikrət Məmmədovla görüşüb.

Ədliyyə Nazirliyinin mətbuat xidmətindən cümə axşamı Trend-ə verilən məlumata görə, ölkələrimiz arasında dostluq və tərəfdaşlıq münasibətlərinin bütün istiqamətlərdə, o cümlədən hüquqi sahədə inkişafını qeyd edən Məmmədov, zəngin müqavilə-hüquq bazasına söykənən ikitərəfli əlaqələrin daha da möhkəmləndirilməsini, hər iki dövlətin ədliyyə nazirlərinin qarşılıqlı səfərlərinin, beynəlxalq təşkilatlar çərçivəsində göstərilən dəstəyin əhəmiyyətini, habelə Ədliyyə akademiyaları arasında səmərəli əməkdaşlığı vurğulamışdır.

Dövlət başçısı İlham Əliyevin rəhbərliyi ilə məhkəmə və ədliyyə sahəsində aparılan islahatlar və qazanılmış nailiyyətlər barədə məlumat verilib.

Azərbaycana səfərindən məmnunluğunu ifadə edən türkiyəli nazir, xalqlarımız arasında qardaşlıq münasibətlərinin dinamik inkişafını qeyd edib, respublikamızın nailiyyətlərini təqdir edib, ölkələrimiz arasında hüquqi əməkdaşlığın daha da dərinləşdirilməsinin əhəmiyyətini vurğulayıb.

Görüşdə qarşılıqlı fəaliyyətin perspektivləri, elektron xidmətlərin tətbiqi, bələdiyyələrin fəaliyyəti və s. məsələlər barədə fikir mübadiləsi aparılıb.

Tədbirdə Türkiyənin Azərbaycandakı fövqəladə və səlahiyyətli səfiri Hulusi Kılıç iştirak edib. Qonaqlar nazirlikdə Ədliyyə tarixi muzeyi ilə tanış olublar.

Xəbər lenti

Xəbər lenti