Azərbaycan, Bakı, 29 fevral /Trend, müxbir M.Əliyev/
Pakistan Azərbaycana hərbi sahədə ehtiyacı olan bütün dəstəyi verməyə hazırdır. Trend-in məlumatına görə, bunu Bakıda Milli Məclisdə keçirilən mətbuat konfransında Pakistan İslam Respublikası Senatının sədr müavini Mir Can Camali deyib.
"Pakistan nüvə dövlətidir. Döyüş təyyarələri, tanklar, döyüş gəmiləri istehsal edir. İnvestisiya yatırılarsa, bu sahədə əməkdaşlıq genişləndirilə bilər", - Camali əlavə edib.
Onun sözlərinə görə, Pakistan Ali Qərargah rəisi hazırda Bakıdadır və görüşlər keçirəcək.
"Pakistanın hərbi əməkdaşlıq sahəsində Türkiyə ilə yaxşı əlaqələri var. Bu əlaqələr Azərbaycanla da qurula bilər", - Senatın sədr müavini bildirib.
Pakistan Azərbaycana hərbi sahədə ehtiyacı olan bütün dəstəyi verməyə hazırdır
Pakistan Azərbaycana hərbi sahədə ehtiyacı olan bütün dəstəyi verməyə hazırdır.